Allùmmela na lampa nnanz’ ʼo muorto,

pure si ‘o padreterno nun ce sta,

pure si ll’ ‘e capito cu certezza

can un c’è lluce,

nun c’è llampa a uoglio,

nè gas

nè petrolio

o lucelettrica

ca pò dà refrigerio

a nu defunto,

o na speranza a chi è rimasto vivo.

Ma si ‘e perduto na persona cara

ca t’ha lassato nu delore ‘o core

can nun è nu delore ca fa male

ma ch’è sulo ‘o delore ‘e nu delore:

appìcciela na lampa nnanz’ ‘o muorto.

Nun sì cuntento,

nun te fa piacere

‘e vedè stu delore ca fa luce?

Edoardo De Filippo